حتي تأتي

لماذا تركتني وسط الطريق بعد ان وجدتك اخيراّ , لماذا فعلت بي هذا ,حتي و ان كان هذا قراري للبعد فلابد ان تتفهمني فأنا لا اقوي علي البعد , انت هوائي الذي اتنفسه انت نبضات قلبي انت شرودي و هذياني فهل يستطيع احد ان لا يتنفس هواه ان يبتعد عن نبضات قلبه كيف؟؟؟؟؟؟! كيف استطعت ان تفعل بي هذا ؟؟! رئتاي لا تستطيع ان تستنشق هواء غير هواك فإنها تلفظه و تناديك لتمتليء بهواك النقي , قلبي تاهت دقاته يتوسل الي كي اعيد له دقاته المفقودة التائهة و لكنني اخبره بأن ليس لدي ما افعله من اجله فدقاته ليست بيدي فهي ليست ملكي الان اصبحت ملكاّ لك انت , انت تتحكم بها , فهي تشعر بك و تخبرني بإنك ات من كثرة و سرعة خفقانها , فأيقن بمجيئك لي , فأسرع للمرآة لتخبرني بحالي اليوم حتي انتظر مجيئك و انا علي اكمل وجه , حتي هي تشعر بمجيئك لمجرد رؤيتها لي , فتحدثني سراّ و تقول هل هو أت اليوم؟ اجاوب في خجل نعم , لقد اخبرتني دقات قلبي بمجيئه ......... فأنتظرك حتي تأتي ...................

مستوحي من نور

ملاكي

أراك عالمي , أراك وجودي , اشعر بنشوة الحياة معك و مع كل همسة تهمس بها في أذني لتخبرني بأنك تحبني حباّ ليس له مثيل من قبل , و إنك ملاكي الذي بعث لي ليربط علي كتفي و يحنو علي , أشعر بدفء قلبك الحاني و انسي همومي و احزاني بداخلك و نذوب سوياّ في كلمة واحدة نقولها ..................

مواقف و طرائف

بما اني ساعات و ساعات بس مش ساعة تروح و ساعة تيجي لا اوعو تفتكروا كدة , النهاردة هاحكلكم علي موقف عجيب و محرج ويفطس من الضحك في نفس الوقت , و انتوا كمان هاستني اسمع منكم مواقف حصلتلكم , بس الموقف كالاتي :

صحيت الصبح الساعة سابعة و نص علشان الحقل باص الشغل , لبست هدومي و ظبط التظابيط وصليت و نزلت وقفت تحت العمارة استني الباص الساعة تمانية و نص الا خمسة لحد ما بقت وي نص , قولت ما بدهاش بقي شكله زوغ و ماجاش و رنيت علي اختي علشان اروح سوي و عديت علي الصف التاني علشان اركب و قولت لنفسي بالمرة اجيب فينو من المخبز يلا اهي كل تاخيرة و فيها خيرة برده , هاعمل اية ما هي بايظة بايظة و انا كدة كدة نزلة بدري .

و بعد ما جبت الفينو شاورت للميكروباص ايون جينا للصميم , ركبت و ما قلكمش بقي علي اللي حصل اول ما ركبت ما فيش فسواية صغنونة و رحت شدة الباب قوم اية الباب طلع في ايدي تقولوش جاكي شان و انا معرفش , وراح السواق يشخط و يبرطم و يقول هو كل واحد يركب عاوز حد يقفله الباب اية النيلة دي , و نزل يعدل الباب و هو عمالي يبرطم و مش عاوز يسكت لحد ما ركب و راحت الست اللي جنبي قيلاله خلاص طالما انت مش عجبك كدة خلية اوتوماتيك , و انا مش اتنيل و اسكت لا ازاي ودي تيجي برده رحت قيلاله اصلا الباب بايظ , و كنت دفعت الاجرة للراجل اللي حنب السواق , و راح السواق يدور الميكروباص مش عاوز يدور يدورة مش عاوز يدور و العربيات تذمر , و انا بقي كان شكلي زبالة و كنت هانزل تحت الكرسي و في سري اقول ياربي في اية هو اية اللي بيحصلي دة علي الصبح و السواق شغال في البرطمة و مش عاوز ياخد الاجرة اللي بعتهاله من الراجل , انا قلت بس السواق هايرميني برة الميكروباص و يقوللي اتفضلي يا انسة دا لو قالهالي اص يا انسة بالذوق يعني- مش رايح في حتة و هايبقي منظري ازبل من الزبالة و اخيراّ و بعد عناء دارت العربية و بلعت ريقي , و لما نزلت اذ فجأتناّ لقيت شعري بيطير قدامي و انا مش عارفه اودية فين ؟!!! و لما دخلت عمارة اختي عقبل عندكم عندها مرايات في مدخل العمارة "دة للي ما عندوش" قوم اية ابص في المرايا علشان اخبي شعري و تنحت ... الاقي جاكيت التايير مفتوح تقولوش كنت في خناقة و لا ركبة اتوبيس الحكومة ساعة الضهرية , و لا اية لابسة تايير ابيض و متألقة علي الاخر في يوم عفرة علي الاخر .......

شوفتوا بقي " ياحلولي يا حلولي و دة اية دة اللي بيحصلي"

الحمد الله انها جت علي اد كدة

ما حدش بياكلها بالساهل ههههههههههههههههههههههههههههههههههههههه